ШАНХАЙ, 30 январь. /"Дунё" АА/. Ўзбекистоннинг Шанхай шаҳридаги (ХХР) Бош консулхонаси республика ҳудудларидаги умумтаълим мактабларни моддий-маънавий қўллаб-қувватлаш ишлари доирасида инсонпарварлик юки жўнатмасини ташкил этди, деб хабар бермоқда "Дунё" АА мухбири.
Инсонпарварлик юки Навоий вилояти ҳокимлигига умумтаълим мактабларига тақдим қилиш учун юборилди.
Юк таркибига уст-бош ва мактаб кийимлари, жундан тўқилган шарфлар ва канцелярия маҳсулотлари киритилган.
