Uchrashuv davomida ikki tomonlama va mintaqaviy kun tartibidagi asosiy masalalar ko‘rib chiqildi.
Suhbat chog‘ida ta’kidlanganidek, O‘zbekiston Prezidentining 2018-yil 30-sentabr – 1-oktabr kunlari Hindistonga davlat tashrifi va Hindiston rahbariyati bilan o‘tkazgan muzokaralari natijalari O‘zbekiston-Hindiston muloqotining barcha jabhalariga yangi jo‘shqinlik berish uchun ikki mamlakat rahbarlarida siyosiy iroda mavjudligini tasdiqladi.
Vazirlar tomonidan O‘zbekiston delegatsiyasining “Vibrant Gujarat – 2019” Xalqaro investitsiya sammitida ishtirok etishi va rejalashtirilayotgan oliy darajadagi muzokaralarning amaliy jihatlari muhokama qilindi.
2019-yilgi ikki tomonlama tadbirlar yuzasidan fikr almashish doirasida parlamentlar va tashqi ishlar vazirliklari o‘rtasidagi aloqalarni faollashtirish, tashkil etilgan O‘zbekiston-Hindiston Ishbilarmonlar kengashi va Toshkent shahridagi Tadbirkorlikni rivojlantirish markazi maydonida ishbilarmon doiralari va moliya institutlari o‘rtasidagi hamkorlikni mustahkamlashga qizish bildirildi.
Vazirlar transport-kommunikatsiya sohasidagi hamkorlikni rivojlantirish, shu jumladan transafg‘on tranzit koridorlarini ochishdan manfaatdorlik izhor etdilar.
Yuqorida qayd etilgan va boshqa mintaqaviy masalalar Samarqand shahrida ochilayotgan Afg‘oniston ishtirokidagi “Hindiston – Markaziy Osiyo” muloqotining birinchi vazirlar uchrashuvida muhokama qilinishi rejalashtirilmoqda.
Markaziy Osiyo davlatlari bilan Hindiston o‘rtasidagi hamkorlikning yangi shakli kooperatsiyani mustahkamlash va kengaytirishga qaratilgan sa’y-harakatlarni muvofiqlashtirish, har bir ishtirokchi davlatning rivojlanishi uchun yangi imkoniyatlar ochishiga vazirlar ishonch bildirdilar.
Uchrashuvda tomonlarni qiziqtirgan boshqa masalalar ham ko‘rib chiqildi.
Suhbatda Hindiston Elchisi Vinod Kumar ishtirok etdi.
